సూపర్ స్టార్ మెచ్చిన “దసరా”

నాచురల్ స్టార్ నాని నటించిన “దసరా” మూవీ మార్చి 30న ప్రేక్షకుల ముందుకు వచ్చింది. కాగా సినిమా విడుదలైనప్పటి నుంచి బాక్సాఫీస్‌ను షేక్ చేస్తూ.. కలెక్షన్ల్ వర్షం కురిపిస్తుంది. అయితే ఈ సినిమాపై సూపర్ స్టార్ మహేష్ బాబు ప్రశంసల వర్షం కురిపించారు. సినిమా అద్భుతంగా ఉందని,తాను ఈ సినిమా విషయంలో ఎంతగానో గర్విస్తున్నానని ట్విటర్ ద్వారా తెలిపారు. దీంతో ప్రస్తుతం ఈ ట్వీట్ వైరల్‌గా మారింది. దీంతో నాని ఫ్యాన్స్ ఖుషీ అవుతున్నారు. కాగా ఈ ట్వీట్‌కు స్పందించిన దసరా నిర్మాణ సంస్థ మహేష్‌బాబుకు థ్యాంక్య్ చెప్తూ..రిప్లై ఇచ్చారు. ఈ సినిమా నాచురల్ స్టార్ నాని నటించిన మొట్టమొదటి పాన్ ఇండియా ప్రాజెక్ట్. కీర్తి సురేష్ కథానాయిక. శ్రీకాంత్ ఓదెల దర్శకత్వం వహించారు. కాగా మార్చి 30 న శ్రీరామనవమి సందర్భంగా ఈ సినిమా విడుదలైంది. తెలుగుతోపాటు విడుదలైన అన్నీ భాషల్లోనూ..ఈ సినిమా మంచి టాక్‌ను సొంతం చేసుకుంది. ఈ సినిమాలో ధరణి ,వెన్నెలగా నాని,కీర్తి సురేష్ నటన అద్భుతంగా ఉందని సినీ ప్రియులు సోషల్ మీడియా వేదికగా  వారిపై ప్రశంసల వర్షం కురిపిస్తున్నారు.