యూట్యూబ్‌ను షేక్ చేస్తున్న “సలార్” టీజర్

పాన్ ఇండియా స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతున్న సినిమా “సలార్”. KGF లాంటి పాన్ ఇండియా బ్లాక్ బస్టర్ సినిమా అందించిన ప్రశాంత్ నీల్ దర్శకత్వంలో ప్రభాస్ హీరోగా వస్తున్న ఈ సినిమాపై భారీ అంచనాలు ఉన్నాయి. అయితే ఈ సినిమా టీజర్‌ను ఇవాళ ఉదయం 5:12 గంటలకు చిత్రబృందం విడుదల చేసింది. కాగా ఈ టీజర్‌కు భారీ స్పందన లభిస్తోంది. సలార్ టీజర్  తెల్లవారుజామున విడుదల చేసినప్పటికీ..కేవలం 5 నిమిషాల్లోనే లక్ష్య వ్యూస్ సాధించింది. ప్రస్తుతం టీజర్ విడుదల అయిన 5 గంటల్లోనే 2 కోట్ల వ్యూస్ సాధించి యూట్యూబ్‌ను షేక్ చేస్తుందని మేకర్స వెల్లడించారు. అయితే ప్రభాస్‌ను మరికొన్ని సెకండ్లు చూపిస్తే ఇంకా సంతోషించేవాళ్లమని ఫ్యాన్స్ అభిప్రాయపడుతున్నారు.