భారత్‌లో త్వరలో పరుగులు పెట్టనున్న ర్యాపిడ్ రైలు
భారతదేశంలో మొట్టమొదటి ర్యాపిడ్ రైలును త్వరలోనే ప్రారంభించబోతున్నారు. ఉత్తర ప్రదేశ్‌లోని ఘజియాబాద్‌లో ఇది ప్రారంభం కాబోతోంది. ప్రధాని నరేంద్రమోదీ చేతుల మీదుగా 17 కిలోమీటర్ల కారిడార్ వచ్చేవారమే ప్రారంభం అవుతుంది. ఈ రైలుకు RAPID X అని పేరు పెట్టారు. దీనిని పూర్తి స్థాయిలో తీసుకొచ్చే ప్రయత్నాలు కూడా జరుగుతున్నాయి. 2025 నాటికి ఢిల్లీ-ఘజియాబాద్-మీరట్ మార్గంలో ఈ రైలు తిరగబోతోంది. దీనిని నేషనల్ క్యాపిటల్ రీజియన్ ట్రాన్స్‌పోర్ట్ కార్పొరేషన్ (NCRTC) రూపొందిస్తోంది. 82 కిలోమీటర్ల ఢిల్లీ-ఘజియాబాద్-మీరట్ మార్గంలో దీనిని నడపాలని ప్రణాళికలు రూపొందిస్తున్నారు. ఈ ప్రాజెక్టు వ్యయం రూ.30,274 కోట్లు. ADB BANK, AIIB, NDB బ్యాంకుల ఫైనాన్స్‌తో ఈ ప్రాజెక్టును మొదలు పెట్టనున్నారు. ఈ ట్రైన్లలో మహిళల కోసం ప్రత్యేక కోచ్‌లను ఏర్పాటు చేయనున్నారు. గరిష్టంగా గంటకు 160 కిలోమీటర్ల వేగం అందుకునేలా దీనిని డిజైన్ చేశారు. ఇది ఢిల్లీ, హర్యానా, రాజస్థాన్, ఉత్తరప్రదేశ్ రాష్ట్రాలకు సంబంధించిన జాయింట్ వెంచర్‌గా పని చేస్తుంది.
