‘రైట్ టు హెల్త్’ బిల్లుపై ఆందోళన విరమించిన రాజస్థాన్ డాక్టర్స్

రెండువారాల సమ్మె అనంతరం రాజస్థాన్ డాక్టర్లు రైటు టు హెల్త్ బిల్లుపై సమ్మెను విరమించారు. ప్రైవేట్ ఆసుపత్రులలో కూడా ఉచితంగా అత్యవసర పరిస్థితుల్లో పేషెంట్లను చేర్చుకోవాలన్నదే ఈ రైటు టు హెల్త్ బిల్లు. దీనిపై ప్రైవేట్ ఆసుపత్రుల వైద్యులు నిరసనలు వ్యక్తం చేస్తున్నారు. ఈ బిల్లులో కొన్ని మార్పులు చేయగా ఎట్టకేలకు వైద్యులు దీనిని అంగీకరించారు. దీనిపై రాజస్థాన్ ముఖ్యమంత్రి అశోక్ గెహ్లాత్ మాట్లాడుతూ తనకు ఈ బిల్లు పాసవడం చాలా సంతోషంగా ఉందన్నారు. రోగులు-వైద్యుల సంబంధం బలపడుతుందని ఆశిస్తున్నానన్నారు. రైట్ టు హెల్త్ బిల్లు తీసుకువచ్చిన మొదటి రాష్ట్రంగా రాజస్థాన్ నిలిచిందన్నారు.

ఇండియన్ మెడికల్ అసోషియేషన్, ప్రైవేట్ హాస్పటల్స్, నర్సింగ్ హోమ్స్ సొసైటీ కలిసి రాష్ట్రప్రభుత్వంతో 8 పాయింట్ల అగ్రిమెంట్ చేసుకున్నారు. దీనికి అంగీకరించి సమ్మె విరమించారు వైద్యులు. ఈ అగ్రిమెంట్ ప్రకారం 50 పడకల కన్నా తక్కవ సౌకర్యం ఉన్న హాస్పటల్స్‌కి ఈ బిల్లు వర్తించదు. ఇంకా ప్రభుత్వ గ్రాంట్లను పొందని ఆసుపత్రులకు కూడా ఇది వర్తించదు.