పవర్‌స్టార్ తొలిప్రేమ రీరిలీజ్..ఫ్యాన్స్ హంగామా
టాలీవుడ్‌లో గతకొంతకాలంగా రీరిలీజ్ ట్రెండ్ కొనసాగుతూ వస్తున్న విషయం తెలిసిందే. అయితే ఈ ట్రెండ్‌ను పవర్‌స్టార్ కూడా ఫాలో అవుతున్నారు. కాగా పవర్‌స్టార్ పవన్ కళ్యాణ్ నటించిన తొలిప్రేమ సినిమా విడుదలై నేటికి 25 సంవత్సరాలు పూర్తయ్యాయి. ఈ సందర్భంగా ఈ సినిమాను ఇవాళ థియేటర్లలో మళ్లీ 4kలో రీరిలీజ్ చేశారు.దీంతో థియేటర్ల వద్ద పవర్‌స్టార్ ఫ్యాన్స్ హంగామా చేస్తున్నారు. కాగా ఈ రోజు తెల్లవారుజాము నుంచే థియేటర్ల వద్ద క్యూ కట్టారు. ఈ మేరకు థియేటర్ల వద్ద సందడి వాతావరణం నెలకొంది. అంతేకాకుండా పవన్ కెరీర్‌లో ఇదొక క్లాసిక్ సినిమా అని సోషల్ మీడియాలో పోస్టులు పెడుతున్నారు.
