ట్యాంక్ బండ్ వద్ద కొనసాగుతున్న గణేష్ నిమజ్జనాలు
తెలంగాణాలో నిన్న ప్రారంభమైన గణేష్ నిమజ్జనాలు నేటికి కొనసాగుతూనే ఉన్నాయి. దీంతో ప్రస్తుతం ట్యాంక్ బండ్ దగ్గర నిమజ్జనానికి గణనాథులు బారులు తీరారు. దీంతో అక్కడ రద్దీ వాతావరణం నెలకొంది. అయితే ఈ గణేష్ నిమజ్జనాలు పూర్తవ్వటానికి మధ్యాహ్నం వరకు సమయం పడుతుందని అధికారులు చెప్తున్నారు. ఈ గణేష్ నిమజ్జనాల కోసం అధికారులు నగరంలో ఇప్పటికే భారీ బందోబస్తు ఏర్పాటు చేసిన విషయం తెలిసిందే. అంతే కాకుండా అధికారులు ఈ నిమజ్జనాల కోసం నగరంలో పలు చోట్ల ట్రాఫిక్ ఆంక్షలు కూడా విధించారు.
