లోక్ సభ తొలి విడత నోటిఫికేషన్ విడుదల, నేటి నుంచే నామినేషన్ల స్వీకరణ

తొలి విడత సార్వత్రిక ఎన్నికలకు సంబంధించి ఈరోజు ఉదయం నామినేషన్ల పర్వం ప్రారంభమైంది. భారత ఎన్నికల సంఘం ఈరోజు గెజిట్ నోటిఫికేషన్‌ను విడుదల చేసింది. ఫేజ్ 1 కోసం గెజిట్ నోటిఫికేషన్‌ను ఈసీ జారీ చేసింది. 21 రాష్ట్రాలు/పలు యూటీలలోని 102 పార్లమెంటరీ నియోజకవర్గాలకు ఏప్రిల్ 19, 2024 ఎన్నికలు జరగనున్నాయి. 20 రాష్ట్రాలు/యూటీలకు ఫేజ్ 1లో నామినేషన్ల చివరి తేదీ మార్చి 27, 2024; బీహార్‌కు మాత్రం మార్చి 28 వరకు అవకాశమిచ్చారు. ఫేజ్ 1లో చేర్చబడిన రాష్ట్రాలు/UTలు అరుణాచల్ ప్రదేశ్, అస్సాం, బీహార్, ఛత్తీస్‌గఢ్, మధ్యప్రదేశ్, మహారాష్ట్ర, మణిపూర్, మేఘాలయ, మిజోరాం, నాగాలాండ్, రాజస్థాన్,
సిక్కిం, తమిళనాడు, త్రిపుర, ఉత్తరప్రదేశ్, ఉత్తరాఖండ్, పశ్చిమ బెంగాల్, అండమాన్, నికోబార్ దీవులు, జమ్మూ మరియు కాశ్మీర్, లక్షద్వీప్, పుదుచ్చేరి ఉన్నాయి.