విశాఖలో వీఐపీ రోడ్ జంక్షన్ వద్ద జనసేన ఆందోళన

విశాఖలో వీఐపీ రోడ్ వద్ద జనసేన నాయకుడు నాదెండ్ల మనోహర్ నేతృత్వంలో జనసేన కార్యకర్తలు ఆందోళనకు దిగారు. వైసీపీ ఎంపీకి సంబంధించిన నిర్మాణాలకు వాస్తు దోషం కారణంగా ఈ జంక్షన్ వద్ద డివైడర్లను మూసేసారని  వారు ఆరోపిస్తున్నారు. ఎన్నడూ అక్కడ ట్రాఫిక్ జామ్ లేదని, ఇప్పుడు ఎంపీకి సంబంధించిన భూముల కోసం, నిర్మాణాల కోసం అక్రమంగా జంక్షన్లు మూసేస్తున్నారని వారి వాదిస్తున్నారు. ఎంపీ ఎంవీవీ సత్యనారాయణకు సంబంధించిన ఈ నిర్మాణాల కోసం, ఇబ్బంది లేకుండా  ఉండడానికి, పైగా ఆ నిర్మాణాలకు వీదిపోటు ఉంటుందనే ఉద్దేశ్యంతోనే ఇలాంటి చర్యలు చేస్తున్నారని ప్రజలు వాపోతున్నారు. ఈ విషయంపై అధికారులను ప్రశ్నించగా, అలాంటిదేమీ లేదని, ట్రాఫిక్‌ సమస్యల వల్లే ఈ డివైడర్లు మూసేసామని తెలియజేస్తున్నారు.