‘ది ఎలిఫెంట్ విస్పరర్స్’ గొప్పమనస్సు

ఇటీవల ఆస్కార్ అవార్డు పొందిన భారత్‌కు చెందిన డాక్యుమెంటరీ షార్ట్ ఫిల్మ్ ‘ది ఎలిఫెంట్ విస్పరర్స్’ గురించి కొత్తగా చెప్పనక్కరలేదు. జంట ఏనుగులకు తల్లిదండ్రులుగా మారిన వృద్ధ దంపతులు బొమ్మన్, బెల్లి దంపతుల జీవిత కథ ఆధారంగానే ఈ చిత్రం తెరకెక్కింది. తాజాగా వీరు మరో ఘనత సాధించారు. తమిళనాడులోని ధర్మపురి అడవుల్లో నుండి తప్పిపోయిన మరో అనాథ ఏనుగుపిల్లకు తల్లిదండ్రులుగా మారబోతున్నారు. అటవీశాఖ అధికారుల అనుమతితో వారు ఈ నిర్ణయానికి వచ్చారు. తల్లి నుండి వేరుపడి, ప్రేమకు నోచుకోని ఈ మూగజీవిని పెంచుకుంటూ వారి జంతుప్రేమను, మంచిమనసును చాటుకున్నారు.