బోరు వేస్తే వెలికి వచ్చిన గ్యాస్-కంగారులో స్థానికులు
కోనసీమ జిల్లాలోని రాజోలు మండలంలో శివకోటి వద్ద అక్వా చెరువులో బోరు నుండి గ్యాస్ వెలికి రావడం సంచలనం రేపింది. దీనితో స్థానికులు కంగారు పడుతూ అగ్నిమాపక సిబ్బందికి సమాచారమిచ్చారు. అక్వా చెరువులో మంచినీటి కోసం బోర్లు వేశారు. ఈ బోరు కారణంగా గ్యాస్ లీకైనట్లు తెలుస్తోంది. దీనితో ప్రమాదం సంభవించింది. ఆ గ్యాస్ నుండి అగ్నికీలలు ఎగసిపడుతూ స్థానికులను భయభ్రాంతులకు గురిచేస్తున్నాయి. ఓఎన్జీసీ, అగ్నిమాపక సిబ్బంది కలిసి మంటలను అదుపులో తెచ్చేందుకు తీవ్రంగా కృషి చేస్తున్నారు. ఈ జిల్లాలో భూమిలో పెట్రోలియం నిల్వలున్నాయని తెలిసిందే. అప్పుడప్పుడు పంట పొలాలలో కూడా భూములలో గ్యాస్ లీకవుతూ ఉంటుంది.
