“ఉస్తాద్ భగత్‌సింగ్”తో ఈసారి పర్ఫార్మెన్స్ బద్దలైపోద్ది

గతంలో పవన్ కళ్యాణ్ ,హరీష్ శంకర్ కాంబోలో వచ్చిన గబ్బర్ సింగ్ బాక్సాఫీసును షేక్ చేసి బ్లాక్ బస్టర్‌గా నిలిచిన విషయం తెలిసిందే.  అయితే మరోసారి బాక్సాఫీసు వద్ద కలెక్షన్ల సునామీ సృష్టించేందుకు ఈ కాంబో సిద్ధం అయ్యింది. కాగా పవన్ కళ్యాణ్ హీరోగా హరీష్ శంకర్ దర్శకత్వంలో తెరకెక్కుతున్న సినిమా “ఉస్తాద్ భగత్ సింగ్” నుంచి లేటెస్ట్ అప్‌డేట్ వచ్చేసింది. పవర్‌స్టార్ పవన్ కళ్యాణ్ ఫ్యాన్స్ కోసం ఉస్తాద్ భగత్‌సింగ్ చిత్రయూనిట్ ఓ వీడియో గ్లింప్స్‌ను రిలీజ్ చేసింది. ఇటీవల ఈ సినిమా నుంచి రిలీజ్ అయిన పోస్టర్స్ సినిమాపై అంచనాలను పెంచాయి. అయితే ఈ రోజు విడుదలైన గ్లింప్స్ వీడియో సినిమాపై మరింత ఆసక్తిని రేకెత్తిస్తుంది.  కాగా ఈ గ్లింప్స్ వీడియోలో పవన్ కళ్యాణ్ చెప్పే “ఈసారి పర్ఫార్మెన్స్ బద్దలైపోద్ది” అనే  డైలాగ్ హైలెట్‌గా నిలిచింది.