ఏపీ మంత్రి విశ్వరూప్‌కు తీవ్ర అస్వస్థత
నేడు మహానేత వైఎస్ రాజశేఖర్ రెడ్డి వర్థంతి.దీంతో తెలుగు రాష్ట్రాలలోని వైసీపీ నేతలు,మంత్రులు వైఎస్ విగ్రహాలకు ఘన నివాళులు అర్పించారు. అంతేకాకుండా వైఎస్ రాజశేఖర్ రెడ్డి వర్థంతి సందర్భంగా పలు సేవ కార్యక్రమాలు చేపట్టారు. ఈ మేరకు అమలాపురంలో వైఎస్ వర్థంతి కార్యక్రమాన్ని అక్కడి నేతలు ఘనంగా నిర్వహించారు. ఈ రోజు ఉదయం అక్కడ జరిగిన కార్యక్రమంలో ఏపీ మంత్రి విశ్వరూప్ పాల్గొన్నారు. అయితే కార్యక్రమం అనంతరం ఆయన తీవ్ర అనారోగ్యానికి గురయ్యారు. దీంతో ఆయనను రాజమండ్రిలోని ప్రైవేటు ఆసుపత్రికి తరలించారు. ప్రస్తుతం విశ్వరూప్ ఆంధ్రప్రదేశ్ రవాణా శాఖా మంత్రిగా బాధ్యతలు నిర్వర్తిస్తున్నారు.
